مـــوضوع مهم جدا واغلب العراقيين يوكعون بالغلط بيه اتمنى الكل اطب وتستفاد

اولا السلام عليكم


ثانيا الموضوع هذا مهم جدا جدا واغلب العراقيين بالنطق والكتابه يوكعون بالغلط بيه وهو:


كلمه ((الله اكبر))


اني لاحظت اغلب الناس شباب وبنات وكبار وصغار بالكتابه بالموبايل سواء او بالشات يكتبون ((الله اكبر)) بهطريقه[caution]---((الله واكبر))[/caution]



وهذا اكبر غلط ويعتبر شرك بالله للي يعرف ويخالف واللي ميعرف عادي يتعلم حتى ميوكع بالغلط


والسبب لانه كلمه او جمله او عباره ((الله اكبر)) هو صفه لرب العالمين واسم لله سبحانه وتعاله وحده وهو الاله لاشريك له وهو الاكبر في الكون كله


بينما من تكتب بهشكل ((الله و اكبر)) تصبح جمله عطف ومساواه بحرف العطف((واو))
يعني تصبح فاصله بين لفظ الجلاله(الله) وبين الصفه والاسم الثاني (اكبر) بحرف العطف ( الواو)


وحرف العطف يجعل الكلمه تنقسم نصين يعني مثل منكول بالعاميه (( يخلي ويه الله قرين او شبيه بسبب حرف العطف (الواو) يعني يصير اكو شي اسمه الله واكو واحد يشبهه ويقترن بيه واللي اسمه اكبر وهذا استغفر الله اشراك بالله))


وهذا ميصير لان بس الله وحيد لا شريك له


ولازم تنكتب هيج ((الله اكبر))


واتمنى الكل تذكر وماتنسى وتستفاد من الموضوع



ودمتم بخيرررر