المالكي يخضع لقطع الكهرباء المبرمج ههههههههه

راح اكتب بالجلفي بله عليكم هاي
مو نكته تضحك والمصيبه والي يضحكك
اكثر الناس الفطر والتمشي وراه مصدكه
انته اصور ابو اسراء الهيبة تنكطع عنه
الكهرباء مثل هاي المساكين ويبقى اربع
ساعات مكطوعة عنه الكهرباء والمولده
الي بالشارع عاطلة لو وكت المولدة
مخلص وخطية يريد ايشغل المولدة
الي بالبيت مايلكة بانزين والبانزين غالي
ماعنده يشتري ها هو عنده مولدة شارع
ومولدة بيت لان هو قائد ضرورة بس الي
موقائد ضرورة ومو من الخدم والحشم
بس الوطني يبراله وذاك من ذاك ساحب
مولدة لو عندة مولدة بالبيت على كل حال
نرجع لبو اسراء ملوكي خطية يبقه هاي
الساعات يتكلب منا ومنا ويهفي الجهالة
الصغار وهو مدبك من العرك ساعة يجي
هنا وساعة يروح هناك وهو بطرك الباس
لان حارة جا شيسوي المسكين وخطية كل
شوية يكعد اله طفل يبجي من الحر وهو
يسكت بيه ويكله يابويه اشبيدي عليك قابل
اني ابو الكهرباء من انعل ابو الكهرباء
يابو ابو الكهرباء يابو الحكومة على هيجي
كهرباء ردناهم زين انكلبوا علينه شين
شلون تخلص يابويه ما ادري عاد هنا اتثور
ام اسراء وتكلة جا كهرباء ماكو هسة
عاد مية نسبح بيه ونبرد على ما تجي
الكهرباء لو تتعاقد وية شركة سيمنز
علمود يجبونه مهفات على الشحن ما
تصرف كهرباء لو اصرفون للوادم مدات
على مود تتعلك بنص الغرفة وصير مهفه
جبيره للعايلة وتلزم الوادم واجبات علية
كل نفر عليه ساعة مثل كبل والله كريم
على ما شوف دربك بعد عيني يبو سراء
والله شكلك خوش استشارات جا اني
مستشارين مالتي لكامة بس ثريد
بس هسة حاجيني ابقي القطع عني
لو اوخره تره صرت فطيس من الحر
وهاي الناس شمدرية وطبه مرض
الناس المهم اني ارتاح يله راح اضحك
على الناس اكلهم راح اكطع الكهرباء
حتى علية (المنطقة الخضراء) والناس اصدك
وخطية هسه ابو اسراء ميت من الحر بالكلوات .